Social Initiatives

શિક્ષણ ક્ષેત્રે 50 વર્ષ પૂર્ણ કરનાર સમિતિ ગ્રુપ ઓફ સ્કુલના ગોલ્ડન જ્યુબિલી સેલિબ્રેશનમાં ઉપસ્થિત રહી સૌ વિદ્યાર્થીઓને અભિનંદન શુભેચ્છાઓ પાઠવ્યા. વિદ્યાર્થીઓનાં ઉજ્જવળ ભવિષ્ય પાછળ શાળાકીય સંસ્થાઓનો ખૂબ મોટો ફાળો છે-સમિતિ ગ્રૃપ ઓફ સ્કૂલ પણ વિદ્યાર્થીઓનાં જીવનપથ માટે દિવાદાંડી સમાન કાર્ય કરી રહી છે, એ બદલ સૌ ટ્રસ્ટીઓ, શિક્ષકો અને સભ્યોને અભિનંદન!

આજે સુરત ખાતે શ્રી નારાયણમુનિ દેવ દિવ્યધામ – શ્રી લડ્ડુ ગોપાલ ગૌશાળા દ્વારા પ્રસિદ્ધ કથા વાચક શ્રી પ્રદીપ મિશ્રાજીના વ્યાસ પીઠે અને મહંત શાસ્ત્રી સ્વામી હરજીવનદાસજીના સાનિધ્યમાં આયોજિત “શ્રી શિવ મહાપુરાણ કથા” માં ઉપસ્થિત રહી કથા સાંભળવાનું સૌભાગ્ય સાંપડ્યું, એમનાં આશીર્વાદ મેળવી ધન્યતા અનુભવી.

આજે સુરત જીલ્લાનાં કામરેજ ખાતે દીનબંધુ ચેરીટેબલ હોસ્પિટલ ટ્રસ્ટનું ઉદ્ઘાટન કરી આનંદની લાગણી અનુભવી. સ્વસ્થતા એ જીવનની પ્રાથમિકતા છે, આ હોસ્પિટલ થકી કામરેજ અને એની આસપાસ રહેતા નાગરિકોની સ્વસ્થતા અને સુગમતામાં ઉમેરો થશે. હોસ્પિટલનાં સૌ સભ્યોને અભિનંદન અને શુભેચ્છાઓ પાઠવી.

જ્ઞાન અને સંસ્કાર પથને ઉજળો બનાવનાર પરમ પૂજ્ય શ્રી અખંડ સ્વામી જીનાં જીવન ચરિત્ર પર લખાયેલા પુસ્તકનાં લોકાર્પણ સમયે ઉપસ્થિત રહેવાનો અવસર સાંપડ્યો, અખંડ સ્વામીજીનું જીવન દિવાદાંડી સમાન છે, એમનાં જીવન ચરિત્ર આધારિત પુસ્તક અનેક યુવાનો માટે પથદર્શક સમાન બનશે. આ પ્રસંગ સાધુ-સંતશ્રીઓનાં આશીર્વાદ પ્રાપ્ત કરવાનું સૌભાગ્ય પણ સાંપડયું.